На канцэрце ў Астане Лукашэнку не пасадзілі побач з Пуціным (фота)
![На канцэрце ў Астане Лукашэнку не пасадзілі побач з Пуціным (фота)](/sites/default/files/styles/gallery_main/public/2023-08/000343_e7945d0ace85f8d4a6ed8ba36b19e345.jpg.webp?itok=MWOEvxB2)
На канцэрце ў Астане Аляксандра Лукашэнку не пасадзілі побач з Уладзімірам Пуціным. Побач з расійскім прэзідэнтам сядзеў прэзідэнт Казахстана Нурсултан Назарбаеў. У руках Лукашэнка трымаў нейкую папку з дакументамі, якую атрымаў у зале ці збіраўся камусьці перадаць.
Кіраўнік Беларусі знаходзіцца з працоўным візітам у Казахстане. Ён паўдзельнічае ў пасяджэнні кіраўнікоў краін-чальцоў Шанхайскай арганізацыі супрацоўніцтва, у якой наша краіна мае статус назіральніка.
Як інфармуе прэс-служба прэзідэнта Казахстана, у Дзяржаўным тэатры оперы і балету “Астана Опера” прагучалі “казахскія народныя песні і мелодыі розных народаў свету, а таксама вядомыя класічныя творы”. Выступалі музычныя калектывы з краін-чальцоў ШАС, у тым ліку з Расіі, Кітая, Індыі.
![На канцэрце ў Астане Лукашэнку не пасадзілі побач з Пуціным (фота)](/sites/default/files/paragraphs/image/0003432070335e81bfa27b32d33e841e02b3ba.jpg)