На аўкцыён выставілі матацыл і аўтамабіль палітвязня Эдуарда Бабарыкі
![Транспарт Эдуарда Бабарыкі,выстаўлены на аўкцыён](/sites/default/files/styles/gallery_main/public/2024-07/babaryka-2607-1_1.jpg.webp?itok=xorGfYFc)
Транспарт Эдуарда Бабарыкі,выстаўлены на аўкцыён / e-auction.by
На электронны аўкцыён "Белюразабеспячэння" выставілі транспарт палітвязня Эдуарда Бабарыкі.
Гэта матацыкл Suzuki VX 800 і легкавік Mercedes-Benz GLC 300. Таргі прызначылі на 21 жніўня.
Першапачатковая цана за матацыкл — 5100 рублёў. Паведамляецца, што ён быў выпушчаны ў 1992 годзе. На кузаве ёсць сколы і драпіны.
Універсал Mercedes-Benz GLC 300 больш новы: ён быў выпушчаны ў 2019 годзе. Аднак на лабавым шкле аўтамабіля ёсць расколіна. Таргі за яго пачнуцца з 118 тысяч рублёў.
Пра абодва транспартныя сродкі гаворыцца, што з іх могуць выявіцца схаваныя дэфекты пры інструментальным кантролі, дыягностыцы і разборцы.
Эдуарда Бабарыку, які быў кіраўніком перадвыбарчага штаба свайго бацькі Віктара Бабарыкі на прэзідэнцкіх выбарах 2020 года, асудзілі на восем гадоў зняволення. Пры гэтым яму не залічылі ў тэрмін паўтара года ў СІЗА КДБ, праведзеныя па першым абвінавачанні, якое ў выніку было знятае. Нядаўна Эдуарду Бабарыку павялічылі тэрмін яшчэ на два гады.
![На аўкцыён выставілі матацыл і аўтамабіль палітвязня Эдуарда Бабарыкі](/sites/default/files/styles/default_image_paragraph/public/paragraphs/image/babaryka-2607-2%20%281%29.jpg.webp?itok=bQ4o2YF3)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.