На адкрыцці таргоў 20 траўня еўра дасягнуў мінімуму з сакавіка 2020-га
На пачатку валютных таргоў у Мінску 20 траўня курсы долара і еўра значна панізіліся. Еўра дасягнуў мінімуму з сакавіка 2020-га, долар апусціўся да ўзроўню восені 2021-га.
Долар згубіў амаль тры капейкі і апусціўся да 2,4773 беларускага рубля.
Еўра знізіўся на 1 капейку — да 2,6102 рубля.
Расійскі рубель вырас адразу на 10 капеек — да 4,0984 беларускага за 100 адзінак.
