На 25 студзеня ў Беларусі абвешчаны аранжавы ўзровень небяспекі
На 25 студзеня ў Беларусі абвешчаны аранжавы ўзровень небяспекі ў сувязі з прагназаваным галалёдам. Пра гэта агенцтву БЕЛТА распавялі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Надвор'е будзе воблачнае з праясненнямі. На большай частцы краіны пройдуць ападкі ў выглядзе дажджу і мокрага снегу. У многіх раёнах чакаецца галалёд, на дарогах — галалёдзіца. Вецер будзе паўднёвы, паўночна-заходні 5-10 метраў за секунду, парывы да 14 метраў за секунду.
Уначы тэмпература паветра прагназуецца ў дыяпазоне ад 2 да 8 градусаў марозу, па ўсходзе пры праясненнях чакаецца 9-12 ніжэй за нуль. Удзень чакаецца ад нуля да 5 градусаў са знакам "мінус". Па захадзе ўначы будзе каля нуля, удзень — +1...+3 градусы.
