На 17 лістапада ў Мінску запланаваная прэс-канферэнцыя Лукашэнкі

На чацвер, 17 лістапада, у Мінску запланаваная "традыцыйная" прэс-канферэнцыя Аляксандра Лукашэнкі. Ёй завяршыцца прэс-тур для вялікай групы расійскіх журналістаў, паведамляе тэлеканал АНТ.

У Беларусі знаходзіцца больш за 100 журналістаў цэнтральных і рэгіянальных расійскіх тэлеканалаў, друкаваных СМІ. У панядзелак яны знаходзіліся ў Магілёве, у бліжэйшыя два дні пабываюць у Шклоўскім раёне і ў Бабруйску.