Мядзведзь залез у дачную хатку і з’еў боршч
Кур’ёзнае здарэнне адбылося ў расійскім горадзе Усць-Ілімск, што ў Іркуцкай вобласці.
Гаспадары дачнай хаткі пакінулі на верандзе боршч, а самі начавалі ў лазні, бо ў хаце рамонт. Калі ж прачнуліся, то ўбачылі, як мядзведзь лезе ў дом праз выламанае вакно. Яны выклікалі паліцыю.
Паліцыянты прагналі драпежнага злодзея стрэламі ў паветра. У выніку інцыдэнту ніхто не пацярпеў, інфармуе ВВС.