Muse ізноў пішуць альбом з сімфанічным аркестрам? (відэа)
Музыкі выклалі ў Сеціва кавалак рэпетыцыі.
Muse апублікавалі ў Instagram кароткае відэа, на якім відаць аркестр і Мэта Бэламі, які слухае ігру музыкаў. І пад гэтым подпіс "Milan Strings".
Верагодна, што для запісу свайго новага, сёмага па ліку, альбома, музыкам усё ж спатрэбіўся аркестр, і яны абралі міланскіх музыкаў.
Раней Мэт Бэламі распавядаў пра сваё адчуванне, што новы лонгплэй будзе пазбаўлены ўсяго лішняга. Маўляў, ніякай электронікі і ніякіх аркестраў. Аднак, відаць, без аркестра ўсё ж не абыйдзецца і гэтым разам.
Новы альбом Muse збіраюцца выдаць у 2015 годзе.
Паводле zvuki.ru
Фота: www.cfox.com
