Моцны вецер прагназуецца 14 красавіка

У аўторак, 14 красавіка, у Беларусі чакаецца пераменная воблачнасць, паведамляе Белгідрамет. 

Уначы ў многіх раёнах Гомельшчыны і Магілёўшчыны прагназуюцца ападкі. Удзень дождж і мокры снег чакаюцца на большай частцы Гродзенскай і Віцебскай абласцей, на астатняй тэрыторыі краіны — месцамі. Вецер будзе заходні, паўночна-заходні парывісты, у асобных раёнах — моцны парывісты. Месцамі чакаюцца парывы да 15-18 метраў за секунду.

Уначы будзе 2-4 вышэй за нуль, удзень чакаецца 5-10 цяпла.

Па прагнозах сіноптыкаў, гэты тыдзень будзе ветраны і з ападкамі. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.