Мабілізаваныя збілі паліцыянтаў і расгвардзейцаў пад Омскам.
![Бойка на мабілізацыі ў Расіі](/sites/default/files/styles/gallery_main/public/2023-08/%D0%B1%D0%BE%D0%BB%D1%8C%D1%88%D0%B5%D1%80%D0%B5%D1%87%D1%8C%D0%B5.png.webp?itok=2f-61HwM)
Бойка на мабілізацыі ў Расіі
Увечары 23 верасня ў пасёлку Бальшарэчча Омскай вобласці Расіі мабілізаваныя збілі паліцэйскіх і расгвардзейцаў. Сілавікі, якія назіралі за адпраўкай запаснікаў ва Украіну, у нейкі момант пачалі гвалтам запіхваць у аўтобусы людзей, якія развітваліся з роднымі. Ім гэта не спадабалася.
Абураныя мабілізаваныя схапілі некалькіх паліцыянтаў і абвясцілі, што тыя паедуць паміраць у акопы разам з імі. Завязалася бойка.
Зрэшты, пасля яе запаснікі ўсё роўна рахмана расселіся па аўтобусах.
Мабілізацыя ў Расіі ахоплівае як мінімум 300 тысяч чалавек. Прапаганда прапануе людзям не звяртаць на яе ўвагі, бо гэта "усяго 1%" ад грамадзян, якія звольненыя ў запас. Аднак у многіх рэгіёнах РФ адбываюцца хваляванні. Таксама аднавіліся падпалы ваенкаматаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.