Мінздароўя — пра смерць дзяўчынкі ў бальніцы ў Старых Дарогах
![Расследаванне смерці дзіцяці працягваецца ўжо некалькі дзён](/sites/default/files/styles/gallery_main/public/2024-08/std.jpg.webp?itok=HEByyfdH)
Расследаванне смерці дзіцяці працягваецца ўжо некалькі дзён / mlyn.by
Мінздароўя Беларусі паведаміла, што са сваіх экспертаў стварыла камісію, якая праводзіць медыцынскае расследаванне смерці 10-гадовай дзяўчынкі ў бальніцы ў Старых Дарогах. Яна вывучае ўсе матэрыялы справы, аналізуе ўсю даступную інфармацыю. Мінздароўя падкрэслівае, што "канчатковыя высновы будуць зробленыя па выніках працы камісіі і пасля завяршэння ўсіх лабараторных даследаванняў".
Дзяўчынка памерла ў бальніцы 20 жніўня. Яе шпіталізавалі каля 18-й гадзіны "у здавальняючым стане". Сваякі дзіцяці кажуць, што лекары падазравалі ротавірус. Праз тры гадзіны стан рэзка пагоршыўся: дзяўчынка згубіла прытомнасць, далей у яе спынілася сэрца. Дзіця спрабавалі выратаваць, але ў 22:50 яно памерла.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.