Мінскія манашкі накінуліся на вулічных музыкаў на "Славянскім базары"
![Манашка збівае вулічнага музыку на "Славянскім базары" / калаж Еўрарадыё](/sites/default/files/styles/main_image_watermark_/public/2023-08/kollage2-monashka.jpg.webp?itok=ASdK7DM3)
Манашка збівае вулічнага музыку на "Славянскім базары" / калаж Еўрарадыё
Мінскія манашкі накінуліся на вулічных музыкаў на "Славянскім базары ў Віцебску". Сёстрам са Свята-Елісавецінскага манастыру не спадабаліся бубны і танцы побач з царкоўнай лаўкай.
Адна з пляцовак для артыстаў на "Славянцы" ўладкаваная побач з храмам Уваскрасення Хрыстова. Шоў бубначоў адбывалася побач з гандлёвымі намётамі манашак з мінскага Свята-Елісавецінскага манастыру. Верагодна, музыка перашкаджала гандлю, таму ў пэўны момант двое манашак вырашылі спыніць канцэрт.
Дайшло да рукапрыкладства. Спярша сёстры штурхалі музыкаў і танцораў. А пазней адна з іх на вачах у дзяцей адвесіла плюху хлопцу ў чорнай майцы. Пры гэтым хлопец да таго нават пальцам манашак не крануў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.