Мінскае "Дынама" ўстанавіла антырэкорд КХЛ

Мінскае "Дынама" ўстанавіла антырэкорд КХЛ

Мінскае "Дынама" ўстанавіла антырэкорд Кантынентальнай хакейнай лігі. Дагэтуль 226 шайбаў за сезон не прапускаў ніхто. Антырэкорд быў зафіксаваны 25 лютага на "Мінск-Арэне", дзе дынамаўцы прымаюць "Лакаматыў" з Яраслаўля. Ужо на 6-й хвіліне госці адкрылі лік, і "Дынама" паўтарыла антырэкорд, які належаў "Віцязю" — 225 прапушчаных шайбаў. На 20-й хвіліне ў браму мінчукоў уляцела яшчэ адна шайба, антырэкордная. Прапусціў шайбы Міхаіл Карнавухаў, якога пасля першага перыяду замянілі.

Матч працягваецца і "Дынама" мае шанцы, каб умацаваць антырэкорд. Да таго ж у чэмпіянаце КХЛ беларускі клуб правядзе яшчэ адзін матч — 27 лютага з маскоўскімі дынамаўцамі.

Мінскае "Дынама" займае апошняе месца ў лізе. Гэта самы правальны сезон беларускага прадстаўніка.

Мінскае "Дынама" ўстанавіла антырэкорд КХЛ
@hcdinamoby

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі