Мінскае "Дынама" на матчы са СКА віталі гімнам БССР (відэа)
Беларускія хакеісты 8 верасня сустракаюцца з клубам СКА з Санкт-Пецярбургу.
На традыцыйным праслухоўванні гімнаў перад матчам рэгулярнага чэмпіянату КХЛ работнікі арэны ў Санкт-Пецярбургу ўключылі гімн БССР замест гімна суверэннай Беларусі, адзначае "Прессбол".
Прагучаў варыянт, які быў галоўнай песняй Беларусі ў 1952-1991 гадах. У 2002 годзе быў прыняты новы варыянт. Уладзімір Карызна перарабіў тэкст Міхася Клімковіча. Аднак музыка Нестара Сакалоўскага засталася па-ранейшаму.
