Мінскае "Дынама" дома прайграла яраслаўскаму "Лакаматыву"
Хакеісты "Дынама", ілюстрацыйнае фота / ХК "Дынама-Мінск"
20 верасня хакеісты мінскага "Дынама" прымалі ў сябе ў гасцях яраслаўскі "Лакаматыў". Гаспадары прайгралі з лікам 1:4 (0:2, 0:1, 1:1).
Першую шайбу госці закінулі ўжо на 30-й секундзе сустрэчы, а чацвёртую забілі пад канец гульні ў пустую браму. У "зуброў" сёння вызначыўся толькі Джэмел Сміт.
У мінскага "Дынама" — пятая параза запар.
Паслязаўтра клуб сустракаецца з падмаскоўным "Віцязем". У папярэдняй сустрэчы дынамаўцы перамаглі з лікам 7:0.
