Міністр юстыцыі Украіны падпісвае дакумент, схаваўшыся пад сталом
![Міністр юстыцыі Украіны падпісвае дакумент, схаваўшыся пад сталом](/sites/default/files/styles/gallery_main/public/2023-08/82345145_1034201640293891_830028775281393664_o.jpg.webp?itok=F_Q2YFdV)
Міністр юстыцыі Украіны Дзяніс Малюська змясціў на сваёй старонцы ў Facebook дзіўнае фота. На ім ён схаваўся пад сталом у сваім працоўным кабінеце і пры гэтым спрабуе падпісаць нейкі дакумент. Такім чынам ён падтрымаў прэм'ер-міністра Аляксея Ганчарука, які трапіў у скандальную гісторыю і напісаў заяву пра адстаўку. Малюська лічыць Ганчарука "найлепшым прэм'ерам у гісторыі Украіны".
"Нават калі буду паміраць (не тое, што знаходзіцца ў статусе выконваючага абавязкі) усё роўна рука дацягнецца падпісаць загад аб звальненні таго, хто пачне сабатаваць ці працаваць упаўсілы, чакаючы магчымай змены кіраўніцтва", — піша міністр у каментары да фота. Дарэчы, карыстальнікі інтэрнэту адрэагавалі на дзіўны здымак у асноўным негатыўна.
Раней міністр юстыцыі змяшчаў у Facebook іншыя дзіўныя здымкі са свайго кабінета.
Дзянісу Малюську 38 гадоў. Ён — юрыст і бізнесмен. Міністрам юстыцыі Украіны прызначаны ў жніўні 2019-га.
![Міністр юстыцыі Украіны падпісвае дакумент, схаваўшыся пад сталом](/sites/default/files/paragraphs/image/7931654610029163334224226190392679335985152o.jpg)
![Міністр юстыцыі Украіны падпісвае дакумент, схаваўшыся пад сталом](/sites/default/files/paragraphs/image/767675019961741240966434898236147538329600o.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.