Міністэрства аховы здароўя часова закрые два буйныя медцэнтры
Медцэнтр "Нардзін" / Office Life
Міністэрства аховы здароўя вырашыла прыпыніць дзеянне ліцэнзій двух прыватных медцэнтраў — ТАА "Тры дантысты плюс" і "Нардзін". Рашэнне ўступіць у сілу з 15 жніўня, то бок з гэтага дня медцэнтры не змогуць аказваць свае паслугі.
Стаматалагічную клініку "Тры дантысты плюс" часова закрываюць праз нібыта зварот грамадзяніна. Праверка выявила там незарэгістраваную медтэхніку, адсутнасць абавязковай медыцынскай дакументацыі, "недахопы ў афармленні дакументаў" і іншае.
Адзін з найбуйнейшых медцэнтраў, "Нардзін", праверылі пасля інфармацыі ад Камітэта дзяржкантролю. Чыноўнікі сцвярджаюць, што ў клініцы былі парушэнні ў захоўванні лекаў, у прызначэнні псіхатропных лекаў, аказанні неадкладнай дапамогі і іншым.
