Мінчук падпольна гандляваў элітным алкаголем з Duty Free
44-гадовага мужчыну затрымалі аператыўнікі ўпраўлення па барацьбе з эканамічнымі злачынствамі ГУУС Мінгарвыканкама.
Як інфармуе БелаПАН са словаў міліцыянтаў, атрымаць доступ у Duty Free падпольны гандляр здолеў дзякуючы яго папярэдняй працы ў сферы паветраных перавозак. Мужчына сотнямі літраў скупляў і пасля збываў з добрым наварам дарагія напоі: віскі, ром, гарэлку. Са студзеня 2008 года ён зарабіў каля 350 мільёнаў рублёў.
На ценявога алкадылера пачалі крымінальную справуа за незаконную прадпрымальніцкую дзейнасць. Падчас ператрусу ў яго забралі 220 літраў гатовага да продажу алкаголю прыблізна на 110 мільёнаў рублёў (больш за 12 тысяч долараў).
Фота — mockwa.com
