Мікалай Аўтуховіч пятнаццаты дзень трымае “сухую” галадоўку

Мікалай Аўтоховіч праз сухую галадоўку намагаецца дамагчыся дазволу на ліставанні. Вязню перасталі прыходзіць лісты нават ад 83-гадовай маці, пішуць праваабаронцы “Вясны”.

Аўтуховіч утрымліваецца ў турме №1 Гродна. Тут жа адбываецца і суд над ім. 

Стан Аўтуховіча рэзка пагоршыўся ў чацвер, 21 ліпеня, на 11-ы дзень галадоўкі. У яго ўзмацніліся болі ў жываце, пачалася рэзь, падняўся пульс.

Нягледзячы на гэта, турэмны доктар дазволіў яму ўдзельнічаць у судовым працэсе, а хадатайніцтва пра агляд знешнім доктарам было адхіленае.

“Мікалай сказаў, што можа ўдзельнічаць, толькі калі яму дазволяць ляжаць, у гэтым таксама адмовілі. Урэшце яго выдалілі з залы за дыскусію з суддзёй, суд працягваецца без Мікалая”, — напісала ў сацсетках Святлана Богуш.

Раней Богуш прапаноўвала накіроўваць вязню ваду без газу, сокі, дзіцячыя фруктовыя пюрэ (у дой-паках), мёд (у пластыкавых пакунках). Гэтыя прадукты дапамогуць яму выходзіць з галадоўкі.

Падсудных па справе Аўтуховіча вінавацяць па шэрагу "тэрарыстычных" артыкулаў Крымінальнага кодэкса. Падчас суда галадоўку таксама трымаў палітвязень Уладзімір Гундар, але на мінулым тыдні спыніў яе.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.