Міхаіла Мясніковіча запрасілі ў Зімбабвэ
Запрашэнне беларускаму прэм'еру агучыў віцэ-прэзідэнт Зімбабвэ Джон Нкома, які знаходзіцца ў Мінску з візітам.
"Пакуль вы не наведаеце Зімбабвэ, лічыце, вы не пабывалі ў Афрыцы. Я запрашаю наведаць нашую краіну", — сказаў Джон Нкома, звяртаючыся да Міхаіла Мясніковіча падчас двухбаковых перамоваў, перадае БЕЛТА.
"Мы ідзем наперад высока падняўшы галаву і хочам развіваць адносіны з тымі, хто не пакінуў нас падчас барацьбы за незалежнасць", — падкрэсліў віцэ-прэзідэнт. На яго думку, у двух краін вялізныя магчымасці для развіцця партнёрства.
Па выніках 2010 года тавараабарачэнне паміж краінамі склалася ў памеры 2,7 млн долараў. Беларускі экспарт склаў 0,1 млн долараў і быў сфармаваны за кошт паставак друкаванай прадукцыі і шын.
