У Беларусі ў бліжэйшыя дні чакаецца да +29

4 чэрвеня ў нашай краіне чакаецца невялікая воблачнасць, перадае Белгідрамет. 

Будзе без ападкаў, вецер слабы. Уначы прагназуецца 9-15 цяпла, удзень паветра прагрэецца да 23-29 вышэй за нуль.

У сераду, 5 чэрвеня, уначы будзе пераважна без ападкаў, удзень месцамі па паўднёва-заходняй палове краіны пройдуць кароткачасовыя дажджы, прагрымяць навальніцы. Вецер будзе паўднёва-ўсходні ўмераны, пры навальніцах парывісты. 

Уначы чакаецца 11-18 са знакам "плюс", удзень ад +23 да +29.

Цёплым будзе і чацвер, 6 чэрвеня. Месцамі па краіне чакаюцца кароткачасовыя дажджы, навальніцы. Вецер будзе паўднёва-ўсходні ўмераны, пры навальніцах парывісты. 

Уначы прагназуецца 13-19 градусаў цяпла, удзень будзе +24...+29.