Медыкаў прымушаюць здаваць грошы на патрыятычны цэнтр у Брэсце
Медык / pixabay.com
Медыкаў у Беларусі прымушаюць здаць грошы на "патрыятычны цэнтр" у Брэсце. Сума збораў — ад 3 да 10 рублёў.
Малодшы персанал здае па 3 рублі, сярэдні — па 5, старэйшы — па 10 рублёў на пабудову патрыятычнага цэнтра ў Брэсцкай крэпасці.
"Каб "зрабіць свой унёсак", супрацоўнікі пішуць заявы, нібыта самі просяць, каб з іх вылічылі пэўную суму", — піша тг-канал "Белыя халаты".
Раней стала вядома, што праз рэканструкцыю гэтага самага цэнтра плошчу аховы ландшафту Брэсцкай крэпасці зменшылі на 3 гектары.
