Вы тут

Макей расказаў, хто мае права ўводзіць міжнародныя санкцыі

Уладзімір Макей / Еўрарадыё

У пытанні разнастайных санкцыяў афіцыйны Мінск прынцыпова лічыць, што ўводзіць іх мае права толькі Савет бяспекі ААН. Пра гэта міністр замежных спраў Беларусі Уладзімір Макей заявіў у Маскве на сумесным пасяджэнні калегій знешнепалітычных міністэрстваў Беларусі і Расіі.

"Яшчэ адной тэмай, якая патрабуе нашай агульнай увагі, з'яўляецца практыка прымянення побач глабальных гульцоў аднабаковых санкцый. Заходнімі краінамі і іх партнёрамі робяцца паслядоўныя крокі па надзяленні асобных міжнародных арганізацый неўласцівымі ім судовымі і іншымі функцыямі. Беларусь займае прынцыповую пазіцыю па гэтым пытанні: толькі Савет бяспекі ААН мае права ўводзіць санкцыі", — прыводзіць БЕЛТА заяву Макея.

Па словах кіраўніка беларускай дыпламатыі, Беларусь выступае супраць спробаў любых дзяржаў у аднабаковым парадку ўводзіць эканамічныя, гандлёвыя, фінансавыя ці іншыя абмежаванні. Макей падкрэсліў, што аднабаковыя санкцыі супярэчаць Статуту Арганізацыі Аб'яднаных Нацый.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.