МАК дапусціў на Алімпіяду яшчэ аднаго беларускага спартоўца
Алімпійскія гульні ў Парыжы пачнуцца 27 ліпеня / Benoit Tessier / Reuters
Міжнародны алімпійскі камітэт дапусціў да ўдзелу ў Алімпіядзе яшчэ аднаго беларускага спартоўца. Ім стаў барэц Магамедхабіб Кадымагамедаў. Пра гэта піша Reform.by са спасылкай на МАК.
Нацыянальны алімпійскі камітэт Беларусі ўжо заявіў, што Кадымагамедаў будзе ўдзельнічаць у Алімпійскіх гульнях. Аднак пакуль невядома, ці прыняў спартовец запрашэнне.
Такім чынам, Беларусь на Парыжскай Алімпіядзе прадставяць 17 спартоўцаў. Яны будуць выступаць у нейтральным статусе — пад алімпійскім сцягам, а ў выпадку перамогі замест беларускага гімна будзе гучаць алімпійскі.
Яшчэ некалькі спартоўцаў атрымалі запрашэнні МАК, але не прынялі іх. Напрыклад, так зрабілі тэнісісткі Вікторыя Азаранка і Арына Сабаленка.
