Лукашэнка звольніў начальніка Галоўнага ўпраўлення баявой падрыхтоўкі УС
Андрэй Некрашэвіч / АНТ
Аляксандр Лукашэнка сваім указам звольніў генерал-маёра Андрэя Некрашэвіча з пасады начальніка Галоўнага ўпраўлення баявой падрыхтоўкі Узброеных Сіл, паведамляе БЕЛТА.
Некрашэвіча звольнілі ў запас па ўзросце з правам нашэння вайсковай формы адзення і знакаў адрознення. 1 студзеня 2023-га яму споўніцца 55 гадоў.
Дарэчы, яго звальненне супала з тым, што на мінулым тыдні ў беларускім войску прайшла "раптоўная праверка боегатоўнасці" па даручэнні Лукашэнкі. Кіраваў ёй дзяржсакратар Савета бяспекі Аляксандр Вальфовіч.
