Лукашэнка зняў з пасадаў Якубовіча, Давыдзьку і Казіятку
6 лютага Аляксандр Лукашэнка замяніў кіраўнікоў шэрагу агульнадзяржаўных СМІ, інфармуе БЕЛТА.
Змяніўся кіраўнік Белтэлерадыёкампаніі: замест Генадзя Давыдзькі яе ўзначаліў Іван Эйсмант. Як вядома, Давыдзька нядаўна ўзначаліў грамадскае аб'яднанне "Белая Русь". Новы кіраўнік БТ — муж Наталлі Эйсмант, прэс-сакратаркі кіраўніка дзяржавы.
Пасаду галоўнага рэдактара газеты "СБ. Беларусь сегодня" замест Паўла Якубовіча зойме Дзмітрый Жук — да апошняга часу ён узначальваў інфармацыйнае агенцтва БЕЛТА.
Тэлеканалам СТВ замест Юрыя Казіяткі будзе кіраваць Ігар Луцкі. Дагэтуль ён быў першым намеснікам міністра інфармацыі.
