Лукашэнка зноў прызначыў Міклашэвіча старшынёй Канстытуцыйнага суда
31 студзеня Аляксандр Лукашэнка чарговы раз прызначыў Пятра Міклашэвіча старшынёй Канстытуцыйнага суда Беларусі. Яго кандыдатуру яшчэ мусіць узгадніць Савет Рэспублікі. Паводле інфармацыі БЕЛТА, кіраўнік дзяржавы падпісаў адпаведны ўказ.
Згодна з заканадаўствам, старшыню Канстытуцыйнага суда прызначае кіраўнік дзяржавы са згоды Савета Рэспублікі. Старшыня прызначаецца на пяць гадоў.
Пётр Міклашэвіч узначальвае Канстытуцыйны суд з 2008 года. Да таго часу ён з лістапада 2004-га па люты 2008 года быў генеральны пракурорам Беларусі.
