Лукашэнка заявіў, што адносіны з Эквадорам чакае рэвізія
Аляксандр Лукашэнка заявіў, што адносіны з Эквадорам чакае рэвізія: "Трэба было б... паглядзець, што ў нас атрымалася, можа быць, ад нечага адмовіцца і намеціць план дзеянняў на бліжэйшую перспектыву". Гэтыя словы беларускага кіраўніка прагучалі ў пятніцу на яго сустрэчы ў Мінску з міністрам замежных спраў Эквадора Марыяй Фернандай Эспіносай Гарсес, якая знаходзіцца з трохдзённым афіцыйным візітам у нашай краіне.
Лукашэнка адзначыў, што ў Эквадоры апошнім часам адбыліся пэўныя палітычныя рэформы, і яны яшчэ не скончаныя. Беларускі кіраўнік сказаў, што ў Беларусі чакаюць прэзідэнта Эквадора ў любы зручны для яго час. Больш падрабязна пра сустрэчу гл. тут.
Падчас сустрэчы з міністрам замежных спраў Беларусі Уладзімірам Макеем Марыя Фернанда Эспіноса Гарсес таксама казала пра неабходнасць правесці рэвізію раней дасягнутых краінамі дамоўленасцяў.
Дарэчы, сёлета тавараабарот Беларусі з Эквадорам вырас на 83%.
