Лукашэнка загадаў цягам сутак адмяніць забарону на продаж алкаголю ўначы

Лукашэнка загадаў цягам сутак адмяніць забарону на продаж алкаголю ўначы

Аляксандр Лукашэнка распарадзіўся на працягу сутак адмяніць абмежаванні на продаж алкаголю ўначы з 23.00 да 07.00. Пра гэта паведамляе БЕЛТА са спасылкай на Адміністрацыю прэзідэнта. 

Такая забарона была ўведзеная ў парадку эксперыменту з 1 кастрычніка ў Мінску і месцамі на раённым узроўні. 

Па словах Лукашэнкі, якія перадае БЕЛТА, змагацца з п'янствам і алкагалізмам трэба не такімі аднабокімі забаронамі. Бо такія забароны вядуць да росту ценявога рынку і крымінальнай сферы, у тым ліку расце прапанова кантрафактнай прадукцыі. 

У Адміністрацыі прэзідэнта зазначылі: "З іншага боку, попыт заўсёды знаходзіць прапанову. Продажы з-пад крыса тымі ж таксістамі, рост ужывання любых вадкасцяў з утрыманнем спірту, праблема кантрафакту ва ўмовах немагчымасці кантраляваць сітуацыю ў рамках цывілізаваных умоў гандлю... І, як вынік, павелічэнне колькасці правапарушэнняў і алкагольных атручванняў, дадатковая нагрузка на сістэму аховы здароўя і расход бюджэтных сродкаў. Усё гэта таксама найбольш верагодныя наступствы падобных забаронаў".

Апошнія навіны

Галоўнае

Выбар рэдакцыі