Лукашэнка — пра памерлага ў Віцебску акцёра з COVID-19: "Небарака, не вытрымаў"

"Жонка здаровая (яна ж з мужам жыла), дачка здаровая, — цытуе словы Лукашэнкі тэлеграм-канал Пул Першага. — Таму што імунітэт моцны. А ён, небарака, не вытрымаў. Паступіў з цяжкай пнеўманіяй, на штучнай вентыляцыі лёгкіх ляжаў, ратавалі яго".

"Звязда" прыводзіць яшчэ адно выказванне Лукашэнкі пра памерлага Дашкевіча: "Мы падазраем, што акрамя пнеўманіі і іншых хвароб, быў і гэты вірус. Мы ж прасілі. Яму заўтра будзе 80 гадоў (насамрэч 75. — Еўрарадыё), чаму ты ходзіш па гэтай вуліцы і тым больш працуеш? То бок, старыкоў трэба адзназначна зберагчы, таму што ў іх аслаблены імунітэт. І па-другое, у іх букет захворванняў".

Атрымліваецца, што Дашкевіч — першая афіцыйная ахвяра каранавіруса ў Беларусі.