Лукашэнка падпісаў указ аб увядзенні контрсанкцый

Аляксандр Лукашэнка падпісаў указ аб увядзенні контрсанкцый (№ 128 "Аб выкарыстанні спецыяльных мер"), паведамляе БЕЛТА. Падкрэсліваецца, што ён прыняты "у мэтах забеспячэння бяспекі і абароны нацыянальных інтарэсаў Рэспублікі Беларусь".

Што ж гэта за санкцыі? Прадугледжваецца забарона на ўвоз у Беларусь "асобных катэгорый тавараў", на імпарт працы ці паслуг, якія выконваюцца юрыдычнымі ці фізічнымі асобамі краін, якія раней увялі санкцыі супраць афіцыйнага Мінска.

У адпаведнасці з дакументам, складаць "чорны спіс" будзе ўрад. У ім будзе "канкрэтны пералік тавараў, працаў (паслугаў) і пры неабходнасці замежных юрыдычных і фізічных асоб".

Санкцыі Лукашэнкі — гэта адказ на санкцыі ЕС, ЗША і шэрагу краін, якія былі ўведзеныя за фальсіфікацыю вынікаў прэзідэнцкіх выбараў 2020 года, за парушэнне правоў чалавека і г. д. Аляксандр Лукашэнка таксама трапіў у "чорны спіс".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.