Лукашэнка не ведае, як БелАЭС будзе ўбудаваная ў сістэму энергетыкі
Беларуская АЭС з'яўляецца самым маштабным праектам Беларусі. Але яна па-ранейшаму выклікае вялікія пытанні, заявіў Алякcандр Лукашэнка ў сваім Пасланні беларускаму народу і парламенту 24 красавіка.
"Мне дагэтуль ніхто ўцямна не далажыў, як АЭС будзе ўбудаваная ў сістэму энергетыкі краіны!" — здзівіўся кіраўнік дзяржавы.
Па яго словах, у сферы энергетыкі высокапастаўленыя чыноўнікі былі звольненыя за парушэнне працоўнай дысцыпліны: "Вялікія начальнікі запілі настолькі, што забылі, як на працу хадзіць... Паглядзіце, што вы п'еце, колькі і з кім".
