Лукашэнка назваў тавараабарот Беларусі і Аўстрыі ганьбай
Аляксандр Лукашэнка назваў тавараабарот Беларусі і Аўстрыі ганьбай. Ён складае каля 200 мільёнаў долараў. Беларускі кіраўнік перакананы, што ў краін ёсць вялізны нерэалізаваны патэнцыял, інфармуе БЕЛТА.
12 лістапада Лукашэнка выступіў на аўстрыйска-беларускім дзелавым форуме ў Вене. Ён спыніўся на галоўных прынцыпах у супрацоўніцтве з нашай краінай. "Я найперш хацеў прадэманстраваць сваю павагу да вас, — гаварыў беларускі кіраўнік. — А калі хтосьці хоча яшчэ і сігнал атрымаць, я не супраць. Лічыце, што гэты сігнал вы цяпер атрымліваеце".
Лукашэнка паабяцаў аўстрыйскаму бізнесу падтрымку ў выпадку, калі ён будзе інвеставаць у Беларусь і адносіцца да беларусаў так, як і да аўстрыйцаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
