Лукашэнка наведвае авіяцыйны рамонтны завод у Баранавічах
Пра гэта паведамляе прэс-служба кіраўніка дзяржавы.
Аляксандру Лукашэнку даложаць пра стан і перспектывы развіцця арганізацый абароннага сектара эканомікі Беларусі, пра арганізацыйна-вытворчую структуру, фінансава-гаспадарчую дзейнасць і перспектывы развіцця прадпрыемства.
Авіярамонтны завод арыентаваны на рамонт баявой авіяцыйнай тэхнікі — самалётаў Су-17 ўсіх мадыфікацый, Су-25, Су-27, МіГ-29, верталётаў Мі-8 , Мі-24. Акрамя таго, асвоены рамонт самалётаў і верталётаў грамадзянскага прызначэння Ан-2 і Мі-17, адзначае БЕЛТА.
Падчас рабочай паездкі кіраўніка дзяржавы ў Брэсцкую вобласць размова таксама пойдзе пра ход веснавых палявых работ і сацыяльна-эканамічнае развіццё рэгіёну.
Фота — naviny.by
