Лукашэнка і Мора адзначылі, што адносіны Беларусі і ЕС паляпшаюцца (відэа)

У панядзелак, 24 жніўня, у Мінску адбылася сустрэча Аляксандра Лукашэнкі і кіраўніцы прадстаўніцтва Еўрасаюза ў нашай краіне Майры Мора. Нагодай стала завяршэнне дыпламатычнай місіі Моры. Лукашэнка высока ацаніў яе дзейнасць.

Лукашэнка: "Вы зрабілі нямала для таго, каб мы не толькі пачалі размову, размаўляць з вялікай Еўропай, але і разумець у нечым адзін аднаго, наладжваць адносіны".

Кіраўніца прадстаўніцтва Еўрасаюза адзначыла, што з'язджае з Беларусі ў час, калі адбываецца паляпшэнне адносінаў паміж Мінскам і Брусэлем. Майра Мора пажадала, каб і надалей захаваліся такія адносіны. "Мы суседзі і павінны жыць у міры і згодзе", — сказала яна.

Фота, відэа: БЕЛТА