Лукашэнка: Дакладна так, як пасяўная кампанія, дакладна так і спорт
![Лукашэнка: Дакладна так, як пасяўная кампанія, дакладна так і спорт](/sites/default/files/styles/gallery_main/public/2023-08/000019_1523607712_298549_big.jpg.webp?itok=8-6d5HS8)
Старшыні аблвыканкамаў павінны займацца развіццём спорту ў рэгіёнах не менш, чым пасяўной кампаніяй. Такую заяву зрабіў Аляксандр Лукашэнка. 13 красавіка ён праводзіць нараду, прысвечаную развіццю зімовых відаў спорту.
“Гэта іх хлеб і праца, — цытуе словы Лукашэнкі БЕЛТА. — Дакладна так, як пасяўная кампанія, дакладна так і спорт, якому мы павінны надаваць сур’ёзную ўвагу”.
Кіраўнік дзяржавы паставіў задачу “адказным асобам” ва ўрадзе і ў Адміністрацыі прэзідэнта, каб яны вызначылі крытэрыі — кожная вобласць мусіць прадэманстраваць сябе ў летніх і зімовых відах спорту. “І мы будзем даваць ацэнку працы губернатараў”, — сказаў Аляксандр Лукашэнка.
У сваёй прамове Лукашэнка папракнуў кіраўнікоў рэгіёнаў за тое, што яны недастаткова займаюцца спартыўнай сферай, мала праяўляюць ініцыятывы. Ён папярэдзіў, што на гэтую тэму “гэта будзе апошняя… размова з губернатарамі”.