Лукашэнка адправіў у адстаўку свайго памочніка Мікалая Дамашкевіча
Мікалай Дамашкевіч вызвалены ад пасады памочніка прэзідэнта Беларусі — галоўнага інспектара па Віцебскай вобласці ў сувязі з выхадам у адстаўку.
На гэтую пасаду замест яго прызначаны Мікалай Шарстнёў, паведамляе БелаПАН. Адпаведныя распараджэнні 15 верасня падпісаў Аляксандр Лукашэнка.
Дамашкевічу споўнілася 65 гадоў. З 1995 года ён быў начальнікам службы кантролю прэзідэнта Беларусі, з 1996-га — старшынёй Камітэта дзяржкантролю. З 1998 па 2007 год — старшыня Мінскага абласнога выканаўчага камітэта. У 2007-2009 гадах быў кіраўніком спраў прэзідэнта.
Фота — ByMedia
