Лінкявічус прывязе Лукашэнку безыменнае запрашэнне на Віленскі саміт
Міністр замежных спраў Літвы Лінас Лінкявічус у кастрычніку плануе наведаць Мінск.
Ён сустрэнецца з Аляксандрам Лукашэнкам і ўручыць яму запрашэнне на саміт "Усходняга партнёрства" ў Вільні. Пра гэта, як паведамляе interfax.by, паведаміў у чацвер літоўскі прэм'ер-міністр Альгірдас Буткявічус.
Кіраўнік літоўскага ўрада адзначыў, што ў запрашэнні не пазначана прозвішча чыноўніка, якога чакаюць на віленскім саміце. Ён нагадаў, што кіраўнік Беларусі значыцца ў "чорным спісе" Еўрасаюза.
На сустрэчы "Усходняга партнёрства", якая будзе праходзіць 28-29 лістапада, найбольш верагодным госцем з Беларусі называюць кіраўніка МЗС Уладзіміра Макея. Яго выключылі з "чорнага спісу" ЕС для магчымасці кантактаў з афіцыйным Мінскам.
Дата візіту Лінкявічуса ў Мінск пакуль не ўзгодненая.
Фота — Timesofisrael.com
