Латвійскі міністр просіць не вазіць прадукты з Беларусі — лічыць гэта неэтычным
Беларуская згушчонка, фота ілюстрацыйнае / blizko.by
Міністр сельскай гаспадаркі Латвіі не хоча, каб гандлёвыя сеткі куплялі прадукты харчавання ў Беларусі і Расіі. За апошнія тры месяцы з Беларусі і Расіі ў Латвію імпартавалі амаль 90 тыс. тон гародніны і больш за 70 тыс. тон збожжа.
"Гэта сапраўды пытанне этыкі кожнага прадпрымальніка, ці зарабляюць яны грошы за кошт вайны, пакут іншых, ці выбіраюць гэтага не рабіць", — цытуе міністра сельскай гаспадаркі краіны Армандса Краўзэ Delfi.
Ён выступае за забарону імпарту расійскіх і беларускіх прадуктаў харчавання на ўзроўні Еўрапейскага саюза.
Усяго больш за 60 латвійскіх прадпрыемстваў увозілі ў Латвію прадукты з Беларусі і Расіі.
