Крызіс у Wizz Air і адпачынак на перыяд менструацыі — #ІхНоравы

Адна з прычын — вайна ХАМАС з Ізраілем. Увосень 2023 года Wizz Air адмяніў рэйсы на тэрыторыю краіны. У дадатак сітуацыя на Блізкім Усходзе негатыўна паўплывала на палёты ў Іарданію і Егіпет. Таксама істотна знізіліся даходы Wizz Air ад продажу дадатковых паслуг.

Нягледзячы на фінансавыя складанасці, Wizz Air пакуль не плануе падвышаць цэны на білеты. Прынамсі, ніякіх афіцыйных заяваў яшчэ не было.

Туман у Германіі перашкодзіў правесці легендарныя аўтагонкі

Аўтагонкі на легендарнай трасе Нюрбургрынг спынілі праз моцны туман. Каля 240 тысяч гледачоў прыехалі паглядзець на спаборніцтвы, але ім давялося пакінуць трыбуны, бо бачнасць была практычна нулявой.

Гонка "24 гадзіны Нюрбургрынга" праводзіцца з 1970 года, у ёй удзельнічае да 170 машын. У гэтым годзе яна стала самай кароткай ў гісторыі.

Трасу, размешчаную прыкладна ў 100 км на захад ад Бона, адкрылі ў 1927 годзе. Яна лічыцца даволі небяспечнай — за амаль 100 гадоў гонак тут загінулі каля 400 чалавек.

Па звестках іспанскага міністэрства інклюзіўнасці, сацыяльнага забеспячэння і міграцыі, за 11 месяцаў з моманту прыняцця закона менструальны адпачынак бралі ўсяго 1559 разоў. Для краіны з насельніцтвам каля 49 мільёнаў чалавек гэта даволі сціплая лічба.

Закон, прыняты год таму, успрымаўся як гістарычнае дасягненне, здольнае перамагчы даўнія табу на працоўным месцы ў дачыненні да менструальных боляў. Гендарныя даследчыкі кажуць, што адна з прычын таго, што ён не працуе, — недастатковая інфармаванасць жанчын.

У Пампеях знойдзены блакітны рытуальны пакой

Археолагі знайшлі ў Пампеях рытуальны пакой, пафарбаваны ў блакітны колер. На яго сценах — фрэскі з выявай грэчаскіх багінь, якія сімвалізуюць поры года.