Крышціяну Раналду падпісаў кантракт з саудаўскім клубам "Аль-Наср"

Крышціяну Раналду / AFP

37-гадовы партугалец Крышціяну Раналду падпісаў кантракт з саудаўскім клубам "Аль-Наср". Кантракт разлічаны на два з паловай гады. Гулец будзе зарабляць 75 млн долараў за год, паведамляе ў пятніцу тэлеканал Al Arabiya. 

Пра падпісанне кантракту аб'явілі ў суботу.

Раней СМІ публікавалі даныя, што Раналду будзе зарабляць у новым клубе больш за 200 мільёнаў еўра (з улікам рэкламных кантрактаў).

Сёлета Крышціяну Раналду выступаў за англійскі клуб "Манчэстар Юнайтэд", у 16 матчах забіў 3 галы. Кантракт з ім скасавалі пасля скандальнага інтэрв'ю футбаліста.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.