Кошт навучання ў БНТУ — ад 1,5 тысячы долараў

Навучанне на першым курсе дзённага аддзялення будзе каштаваць ад 13 мільёнаў 335 тысяч рублёў (1,5 тысячы долараў па курсе Нацбанка на 18 ліпеня) да 14 мільёнаў 720 тысяч ($1660). Завочнікам адукацыя будзе каштаваць ад 5 мільёнаў 709 тысяч рублёў ($650) да 6 мільёнаў 299 тысяч ($710).

Для параўнання: за 2012-2013 навучальны год у БНТУ першакуснікам з дзённага аддзялення неабходна было аплаціць ад 12 мільёнаў 600 тысяч да 12 мільёнаў 800 тысяч рублёў. Першая сума прыкладна адпавядае сённяшняму мінімальнаму кошту навучання ў доларавым эквіваленце, паведамляе БелТА.

Нагадаем, аплата за навучанне ў беларускіх ВНУ з 1 верасня павялічыцца ў межах 20%. Кошт будзе вар'іравацца ў залежнасці ад формы навучання і курсу. Пры гэтым ВНУ маюць права самастойна вырашаць, наколькі паднімаць кошт за навучанне.

Фота: minsknews.by.