Кіраўнікі дыпмісій ЕС сустрэліся са сваякамі беларусаў, забітых на пратэстах

7 лютага кіраўнікі дыпмісій ЕС сустрэліся ў Мінску са сваякамі беларусаў, забітых на пратэстах. У сустрэчы прынялі ўдзел і родныя некалькіх палітычных вязняў Беларусі. Сярод іх была Марына Адамовіч — жонка палітыка Мікалая Статкевіча.

"#БеларусьМыРазам ў гэты Дзень салідарнасці і кожны дзень, пакуль усе палітычныя зняволеныя не выйдуць на свабоду і ўсе вінаватыя не будуць прыцягнутыя да адказнасці", — напісаў па выніках сустрэчы кіраўнік прадстаўніцтва Еўрасаюза ў Беларусі Дырк Шубель.

Ён падкрэсліў, што недапушчальна пераследваць і забіваць людзей толькі за тое, што яны мірна патрабавалі захавання сваіх асноўных правоў.

Па стане на 7 лютага ў Беларусі — 228 палітвязняў. Некаторыя з іх сядзяць за кратамі ўжо больш за 8 месяцаў. Некалькі чалавек падчас пратэстаў, якія пачаліся пасля прэзідэнцкіх выбараў, былі забітыя або знойдзеныя мёртвымі пры дзіўных абставінах.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.