Кіраўнікі "ДНР" і "ЛНР" заявілі пра жаданне перагледзець мінскія пагадненні

Як інфармуе ВВС, сепаратысты з так званых "Данецкай народнай рэспублікі" і "Луганскай народнай рэспублікі" заявілі, што адмена Кіевам закона аб асаблівым статусе Данбаса наносіць шкоду мірнаму працэсу, і настойваюць на пераглядзе мінскага пратакола.

"Відавочна, што яго рэдакцыя павінна быць перагледжана. ДНР і ЛНР не могуць дзейнічаць на падставе дакумента, з якога Парашэнка выключыў прынцыпова важныя пункты. Мы гатовыя працаваць над новай рэдакцыяй пратакола", — гаворыцца ў заяве сепаратыстаў.

Нагадаем, напярэдадні Савет нацыянальнай бяспекі і абароны Украіны рэкамендаваў прэзідэнту краіны Пятру Парашэнку ўнесці ў парламент законапраект аб адмене асаблівага рэжыму самакіравання ў асобных раёнах Данецкай і Луганскай абласцей. Раней Парашэнка заяўляў, што правядзенне ў Данбасе "псеўдавыбараў" 2 лістапада тарпедавала гэты закон і рэзка абвастрыла сітуацыю.

Фота — ria.ru

Апошнія навіны

Галоўнае

Выбар рэдакцыі