Кіраўнікам медустаноў паабяцалі дадатак да зарплаты за аптымізацыю штата
![Надбаўка складзе ад 10% да 50%, илюстрацыйнае фота](/sites/default/files/styles/gallery_main/public/2023-12/doctor-_21_12.jpg.webp?itok=UBBxkj1i)
Надбаўка складзе ад 10% да 50%, илюстрацыйнае фота / pixabay.com
Надбаўку да зарплаты паабяцалі кіраўнікі медыцынскіх устаноў, якія ўдзельнічаюць у пілотным праекце ўрада па аптымізацыі штата. Адпаведная мера прапісана ў пастанове Міністэрства аховы здароўя. Дакумент апублікаваны сёння на Нацыянальным прававым партале.
Рашэнне аб правядзенні эксперымента па аптымізацыі штата бюджэтных арганізацый беларускі Саўмін прыняў у пачатку лістапада. Удзельнікамі эксперыменту сталі 26 устаноў, у тым ліку дзіцячыя сады, школы, бальніцы і цэнтры сацабслугоўвання. Кіраўнікі гэтых устаноў павінны прыдумаць, як пераразмеркаваць нагрузку ў калектыве. Работнікі, якія будуць выконваць абавязкі скарочаных калег, атрымаюць за гэта даплату. Фінансавае заахвочванне, згодна з пастановай Мінздароўя, прадугледжана і для кіраўнікоў арганізацый. Памер будзе завісіць ад колькасці скарочаных супрацоўнікоў.
Пры аптымізацыі трох штатных адзінак кіраўнік атрымае надбаўку да зарплаты да 10%, пры звальненні 5 работнікаў — да 20%. Чым больш колькасць скарочаных працоўных месцаў, тым вышэй надбаўка. Максімальную — да 50% — можна атрымаць пры памяншэнні колькасці штата больш чым на 20 работнікаў. Але ёсць і адна ўмова — памер надбаўкі павінен знаходзіцца ў межах сродкаў, зэканомленых пры правядзенні аптымізацыі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.