Хапун у судзе пасля абвяшчэння прысуду анархістам
Наста Лойка / facebook.com
У Мінскім гарадскім судзе пасля абвяшчэння прысуду групе анархістаў адбыўся "хапун" сярод прысутных, паведамляюць праваабаронцы "Вясны".
Сілавікі затрымалі праваабаронцу Насту Лойку і павезлі яе ў адзін з мінскіх РУУСаў. Пакуль прычына затрымання невядомая.
Таксама вядома, што былі затрыманыя прадстаўнікі дыпламатычнага корпусу, а таксама сваякі палітвязня Паўла Шпетнага. Агулам паведамляюць пра пяцярых затрыманых.
Паведамляецца, што дыпламатаў валаклі па зямлі, а ў гэты час прысутны прапагандыст Рыгор Азаронак, імітуючы інтэрв'ю, пытаўся: "Як вам?".
Таксама прааваабаронцы кажуць пра спробу затрымання аднаго з адвакатаў палітвязняў па справе.
