Каранавірус і прапановы Лукашэнкі — як гэта паўплывае на эканоміку?
Каранавірус, які хутка распаўсюдзіўся практычна па ўсіх краінах свету, нясе пагрозу не толькі здароўю людзей, але і стану эканомікі. Турыстычны бізнес і авіякампаніі ўжо пацярпелі, але эканамісты прагназуюць не самыя лепшыя часы і для іншых сфер эканомікі. Нібы апярэджваючы магчымыя негатыўныя наступствы, кіраўнік Беларусі выступіў з прапановай "адмяніць банкруцтва" прадпрыемстваў у Беларусі і правесці пенсійную рэформу.
Ці паўплывае каранавірус на беларускую эканоміку і ці перажывуць яго нашы прадпрыемствы? Ці можна банкруцтва проста ўзяць ды адмяніць? Якія падводныя камяні прыхаваныя ў агучаных кіраўніком Беларусі прапановах па пенсійнай рэформе?
На гэтыя ды іншыя пытанні ў жывым эфіры Еўрарадыё адказвае эканаміст, кіраўнік цэнтра Мізеса Яраслаў Раманчук.
