Капітанам беларускай хакейнай зборнай будзе Канстанцін Кальцоў
Пра гэта заявіў галоўны трэнер каманды Глен Хэнлан.
У гутарцы з журналістамі "Прессбола" настаўнік зборнай паведаміў, што абраў Кальцова на пасаду капітана каманды на бліжэйшым турніры "Arosa Challenge". "Яго лідарскія якасці не выклікаюць сумневаў", — адзначыў Хэнлан.
Разам з тым трэнер заявіў, што Кальцоў будзе капітанам толькі на бліжэйшы турнір. Перад наступным турнірам і чэмпіянатам свету кандыдатура капітана зноў будзе абмяркоўвацца.
Фота — goals.by
