Канец тыдня ў Беларусі будзе цёплы і сонечны

23 жніўня ў Беларусі чакаецца пераменная воблачнасць, без ападкаў, інфармуе Белгідрамет. 

Уначы і зранку ў асобных раёнах прагназуецца туман. Вецер няўстойлівы слабы. Уначы будзе 7-13 вышэй за нуль, удзень — да 20-26 цяпла. 

У суботу, 24 жніўня, таксама ападкаў не прагназуецца. Вецер няўстойлівы слабы да ўмеранага. Уначы чакаецца 8-13 цяпла, у асобных раёнах +5...+7. Удзень прагназуецца 21-27 вышэй за нуль.

25 жніўня таксама будзе пераважна без ападкаў. Уначы і зранку месцамі чакаецца слабы туман. Вецер уначы слабы, удзень паўднёва-ўсходні ўмераны. Уначы тэмпература паветра будзе +7...+14, удзень прагназуецца 22-29 цяпла.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.