Вы тут

Каля Адэсы пасажырскі аўтобус з Мінска сутыкнуўся з грузавіком (відэа)

dumskaya.net

Каля Адэсы пасажырскі аўтобус з Мінска сутыкнуўся з грузавіком (бетонамяшалкай). Аўтобус Neoplan заціснула паміж металічным адбойнікам і грузавым аўтамабілем. Выйсці з салона пасажыры не маглі, таму кіроўца разам з патрульнымі паліцэйскімі разбілі лабавое шкло і правялі эвакуацыю людзей. На шчасце, ніхто не пацярпеў, інфармуе dumskaya.net.

Аўтааварыя адбылася ў ноч з 2 на 3 ліпеня на трасе "Адэса — Кіеў" на Хаджыбейскім мосце. Паліцыя атрымала паведамленне пра яе ў 23:20. Высветлілася, што кіроўца КАМАЗа, які ехаў у бок Адэсы, не ўлічыў дарожных абставінаў і не прытрымліваўся бяспечнага бакавога інтэрвалу, што і стала прычынай ДТЗ.

У аўтобусе "Мінск — Адэса" знаходзіліся 50 пасажыраў. За імі прыехаў іншы аўтобус.