Каб вярнуць заробак, беларускі гастарбайтар пагражаў скокнуць з будынка
Больш за гадзіну супрацоўнікі праваахоўных органаў, псіхолагі і выратавальнікі ўгаворвалі “самагубцу” спусціцца з даху гандлёвага цэнтра ў Санкт-Пецярбургу.
Прыезджы з Беларусі забраўся на дах двухпавярховага будынка, паведамляюць расійскія СМІ. Мужчына пагражаў, што саскочыць, калі да яго не прыедуць журналісты. З вышыні мужчына паспеў распавесці, што на крайні крок ён вырашыўся з-за падману працадаўцы.
Выявілася, што няўдалага самазабойцу клічуць Аляксандр, яму 32 гады, і ён беспрацоўны мігрант. Пакуль ішлі перамовы, мужчына паспеў парэзаць сябе аскепкамі пабітай бутэлькі.
Выратавальнікі, аднак, угаварылі беларуса не скакаць з даху.
Фота — afisha.gorodkirov.ru
